Qazaqstan qurama komandasy alǵash ret ınformatıkadan Eýropalyq jasóspirimder olımpıadasyna (European Junior Olympiad in Informatics) qatysty, - dep habarlaıdy Egemen.kz mınıstrliktiń baspasóz qyzmetine silteme jasap.
Jas programmıster arasynda ótken halyqaralyq jarysta qazaqstandyq oqýshylar jaqsy nátıjeler kórsetti. Bıyl Olımpıadaǵa 27 memleketten 90-nan astam oqýshy qatysty. Qurama komanda músheleri ulttyq jarystar qorytyndysy boıynsha anyqtalǵan bolatyn. Sáıkesinshe, qazaqstandyq qurama komanda músheleri – ınformatıka páni boıynsha respýblıkalyq olımpıada jeńimpazdary men júldegerleri.Olımpıada qorytyndysy boıynsha qazaqstandyq oqýshylar jaqsy nátıjeler kórsetip, joǵary marapatqa ıe boldy.
Van Lı – altyn medal; Taımas Korǵanbaev – kúmis medal; Ádil Sultanov – qola medal; Ramazan Perdebaı – qola medal.
Bıyl European Junior Olympiad Informatics (EJOI) uıymdastyrý komıteti olımpıadany onlaın rejımde ótkizý týraly sheshim qabyldaǵan bolatyn.